दक्षिण अफ्रिकाको क्वाजुलु–नटाल प्रान्तमा शायामोया गाउँमा त्यतिबेला तहल्का मच्चिएको थियो, जब टाउको नभएको एक लास फेला परेको थियो । २५ वर्षकी जानेल लाशवेयो जुलाई महिनादेखि बेपत्ता भएकी थिइन् ।
उनको परिवारका सदस्य भन्छन् कि उनी नरभक्षण (मानिसको मासु खाने व्यक्ति)को सिकार भएकी हुन् । यस मामलमा प्रहरीले अहिलेसम्म पाँचजना व्यक्तिलाई गिरफ्तार गरिसकेको छ ।
यो मामला पूर्ण रुपमा तब बाहिर आयो जब आफूलाई पारम्परित चिकित्सक बताउने एक व्यक्ति प्रहरी चौकीमा पुगे । उनले प्रहरीलाई भने, ‘म मानिसको मासु खाँदा खाँदा थाकिसके ।’ तिनै व्यक्तिले भनेअनुसार जानेलको शव बरामद गरिएको थियो ।
पहिले त प्रहरीले उसमाथि विश्वास गरेको थिएन कि त्यो व्यक्तिले साँच्चिकै मानिसको मासु खाएको थियो भनेर । तब जब उनले आफूसँग भएका मानिसका हात र खुट्टा देखाए, जो रगतले लतपतिएका थिए । त्यसपछि प्रहरीले उनलाई गिरफ्तार गर्यो ।
त्यपछि त्यो व्यक्तिले प्रहरीलाई आफ्नो त्यो घरबारे बतायो जहाँ खाना पकाउने भाँडोमा मानिसका ८ वटा कान राखिएका थिए ।
उक्त व्यक्तिले ती कान आफ्ना ग्राहकलाई दिन ठिक्क पारेर राखेका थिए । ती कान खानाले उनलाई पैसा, शक्ति र सुरक्षा मिल्ने उसको विश्वास थियो ।
सोही घरमा राखिएको एक सूटकेसमा मानव शरीरका अन्य कैयौं अंग पनि मिले । सोही घरबाट प्रहरीले जानेल लाशवेयोका रगतले लतपतिएका फाटेका कपडा पनि बरामद गरेको छ ।
यद्यपि फेला परेको लास जानेलको हो कि हैन भनेर जान्न प्रहरीले डिएनए परीक्षण गर्ने जनाएको छ ।
मानिसको मासु खाएको भनेर गिरफ्तार गरिएका पाँच जनालाई प्रहरीले सोमवार अदालतमा पेश गरेको छ । उनीहरुविरुद्ध अदालतको बाहिर प्रदर्शन पनि भएको थियो ।
उनीहरुले जमानतमा रिहा हुन अदालतमा दिएको याचिका रद्द गरिएको छ । सेप्टेम्बरको अन्ततिर उनीहरुलाई फेरि अदालतमा पेश गरिने जनाइएको छ । यो मामलामा प्रहरीले अन्य व्यक्तिलाई गिरफ्तार गर्ने संभावना छ ।
बीबीसीको सहयोगमा
