फागुन २, २०८०
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
काठमाडाैं | असार २, २०८०
बेलायतमा नर्सिङ पेशामा आबद्ध दीया पुनले ‘वीर विक्रम’बाट नेपाली फिल्ममा पाइला चालिन् । पहिलो फिल्म नै हिट भइदियो ।
त्यसयता उनका फिल्म ‘मिष्टर झोले’, ‘ह्याप्पी डेज’ र ‘मन्त्र’ रिलिज भइसकेका छन् । ‘अन्तिम संस्कार’ फिल्म आगामी शुक्रवारबाट प्रदर्शनमा आउँदैछ भने ‘दयारानी’ पनि प्रदर्शन हुन बाँकी छ ।
यतिबेला दीया नेपालमा रहेर ‘अन्तिम संस्कार’ फिल्मको प्रचारप्रसारमा खटिएकी छन् ।
यो फिल्ममा उनी विगतमा भन्दा फरक भूमिकामा देखिएकी छन् । ‘पहिलेदेखि गाउँले रोलमा देखिरहनुभएका दर्शकले यसपटक मलाई डीएसपी (प्रहरी)को रोलमा देख्नुहुनेछ,’ उनले भनिन्, ‘नयाँ र फरक रोल भएका कारणले दर्शकले स्वीर्कानुहुन्छ कि हुँदैन भन्नेमा अलिकति डर छ ।’
फिल्मका लागि सिंगो टीमले निकै मेहनत गरेका कारण पनि आउँदै गरेको प्रदर्शनलाई लिएर आफू यतिबेला नर्भस रहेको उनले बताइन् । ‘अन्तिम संस्कार’ प्रदीप शाही लिखित एवं निर्देशित फिल्म हो ।
निर्देशकको काम गर्ने तरिकाले काम राम्रो र सहज भएको पनि अभिनेत्री दीयाले सुनाइन् । ‘म बाहिर बस्ने, निर्देशकजी पनि बाहिर हुनुहुन्थ्यो । यद्यपि उहाँले हरेक कलाकारलाई समय दिनुहुन्थ्यो । जूममार्फत हाम्रो वर्कशप हुन्थ्यो । क्यारेक्टरका बारेमा कुरा हुन्थ्यो । क्यारेक्टर कसरी निभाउने भनेर प्राक्टिस गथ्र्यौं,’ दीयाले सम्झिइन्, ‘पछि नेपालमा आएर फिजिकल वर्कशप पनि गर्यौं । जब हामी सुटिङमा गयौं, एक्सन भन्नेबित्तिकै वान टेकमा ओके भयो । यसरी काम भएको मेरो पहिलो अनुभव थियो ।’
उसो त पछिल्लो समय प्रायः फिल्मको वर्कशप हुने गर्छ । दीयाले यसअघिका फिल्ममा पनि वर्कशपको अनुभव संगालेकी छन् ।
यद्यपि सुटिङ सेटमा गएपछि केही कारणले लोकेसन परिवर्तन हुने, टेक्निकल कारणले भनेजस्तो तरिकाले सुटिङ नहुने जस्ता समस्याहरू पनि फिल्ममा हुने गर्छ ।
त्यसरी धेरै समय यत्तिकै खेर फाल्नुपरेको अनुभव उनी स्वयंले पनि यसअघि संगालेकी थिइन् । ‘यसपटक मौसमका कारणभन्दा अरुले असर भएन । तय गरिएको सेड्यूलभन्दा छिटो सुटिङ सकेका थियौं,’ उनले सुनाइन्, ‘दुःख पनि धेरै गर्यौं । दिनमा १८ घण्टासम्म काम गरेका थियौं ।’
यो फिल्ममा दीयासँगै विजय लामा, त्रिचु राई, रेश्मा घिमिरे लगायतको अभिनय छ । मनोवैज्ञानिक थ्रिलर जनरामा फिल्म बनेको हो । आधा दर्जन नेपाली फिल्ममा अभिनय गरिसकेकी दीयालाई फिल्ममा आउने सोच भने थिएन ।
नेपालको म्याग्दी पुर्ख्यौली थलो रहे पनि उनी हङकङमा जन्मिएकी हुन् । बुवा ब्रिटिस आर्मीमा थिए, सोहीकारण उनको बाल्यकाल कहिले कहाँ त कहिले कहाँ बित्यो ।
२ वर्षको उमेरमा नेपाल आएकी उनी केही वर्ष बु्रनाई गएर पनि बसिन् । फेरि नेपाल आइन् र सन् २००० मा बेलायत गइन् । त्यही पढिन्, नर्सिङ पेशा अंगाल्दै त्यही करिअर शुरू गरिन् ।
उनलाई म्युजिक भिडियो, मोडलिङ, फेसनतिर चाहिँ पहिलेदेखि रुचि थियो । ममीमार्फत दीयाको भेट निर्देशक मिलन चाम्ससँग भयो, जतिबेला उनी नयाँ प्रोजेक्टको तयारीमा थिए ।
उनले दीयालाई फिल्ममा आउन हौसला दिए । २ लाइन बोल्न दिए, जुन क्यामेरा अगाडि बोल्नुपर्ने थियो । दीया निर्धक्क बोलिन् । दयाहाङ राईसँग जोडी बाँध्दै ‘वीर विक्रम’मा अभिनय गरिन्, फिल्म रुचाइयो ।
अहिले दीया फिल्म क्षेत्रमा आएको ७–८ वर्ष भइसकेको छ । बेलायतमा नर्सिङ पेशामा सक्रिय हुने उनी फिल्मका लागि समय मिलाएर नेपाल आउने जाने गर्छिन् ।
दीयालाई यसअघि निर्वाह गरेकोजस्तै भूमिकामा अफरहरू धेरै आउने गर्छन् । उनी भने सकेसम्म फरक खालको भूमिका निर्वाह गर्न चाहन्छिन् । अब उनलाई एक्सन फिल्म खेल्ने इच्छा छ । ‘एक्सनमा फिमेल लिडमा रहेको फिल्म नआएको धेरै भयो,’ उनले भनिन्, ‘मलाई त्यसप्रकारको भूमिका गर्न मन छ ।’
एक्सन फिल्म खेल्न सक्ने विश्वास पनि आफूमा रहेको उनले बताइन् ।
यसबाहेक ‘नेगेटिभ रोल’मा पनि अभिनय गर्ने इच्छा रहेको दीया बताउँछिन् । अहिलेसम्म फिमेल कलाकार भिलेनको रोलमा कमै देखिएकाले पनि आफूलाई त्यो इच्छा रहेको बताइन् ।
यी अभिनेत्रीले गत वर्ष सर्वोच्च शिखर सगरमाथा आरोहण गरिन् । ट्रेकिङमा रुचि राख्दै आएकी उनको कीर्तिमानी हिमाल आरोही निर्मल पूर्जासँग पहिल्यैदेखि चिनजान थियो । उनकै हौसलामा सगरमाथा आरोहणको योजना बनाएकी थिइन् ।
शुरूआतमा अर्जेन्टिनाको ओकनकागुवा हिमाल आरोहणमा सफल भइन् । ‘त्यसपछि त्योभन्दा उचाइको चढ्छु भन्ने आँट आयो । मनास्लु हिमाल चढें,’ उनले उत्साहित भावमा भनिन्, ‘अनि सफलतापूर्वक सगरमाथा आरोहण गरें ।’
सगरमाथा चढ्दा जति दुःख भएको थियो, अहिले सम्झँदा भने रमाइलो महसूस हुने उनले बताइन् ।
सातै महादेशका हिमाल चढ्ने योजना उनको छ । आउँदो अगष्टमा अफ्रिकाको माउन्ट किलिमन्जारोमा जाने तयारी रहेको समेत उनले जानकारी दिइन् ।
नर्स, अभिनेत्री हुँदै पछिल्लो समय हिमाल आरोहीको परिचय थपेकी दीयाले आफू रिलेसनमा रहेको कुरा समेत खुलाइन् ।
कुराकानीको विट मार्ने क्रममा विवाह गर्ने योजनाबारे सोधिएको प्रश्नको जवाफमा भनिन्, ‘ठ्याक्कै कहिले गर्ने योजना चाहिँ बनिसकेको छैन । मेरो बजै बित्नुभएका कारण १ वर्ष चाहिँ गर्नु हुँदैन । त्यसपछि हेरौं, लेखेको छ भने २ वर्षभित्रमा हुन्छ होला ।’
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
कवि उपेन्द्र सुब्बाको दोस्रो निर्देशकीय फिल्म ‘मनसरा’को ट्रेलर सार्वजनिक भएको छ । काठमाडौंमा बुधवार आयोजित एक कार्यक्रमबीच सार्वजनिक ट्रेलर सार्वजनिक गरिएको हो । चार मिनेट लामो ट्रेलरमा य...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
अभिनेता प्रदीप खड्का फेरि अर्को फिल्ममा अनुबन्धित भएका छन् । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा उनको शीर्ष भूमिकामा अभिनय रहने भएको हो । गतवर्ष प्रदर्शनमा...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...