गायक रवि ओड र शान्तिश्री परियारको स्वर रहेको ‘ढिँडो मलाई देऊ’ गीत सार्वजनिक भएको छ ।

मंगलबार एक कार्यक्रमबीच गीत सार्वजनिक गरिएको हो । 

गीतको श्रव्यदृश्यमा तलिशा गुरुङ, रवि ओड, प्रिन्स विश्वकर्मा र खुश्बु खड्काको अभिनय रहेको छ । प्रमोदकुमार भण्डारीको निर्देशनमा तयार पारिएको गीतमा प्रकाश सापकोटाको शब्द रहेको छ भने संगीत सन्तोष श्रेष्ठको रहेको छ ।

संगीत संयोजन कमल सौरजले गरेका छन् भने सम्पादन मीन रावलले गरेका छन् । गीतको छायांकन चितवनमा गरिएको हो । 

कार्यक्रममा संक्षिप्त प्रतिक्रिया दिँदै गीतका लेखक सापकोटाले गीत–संगीतलाई समय सापेक्षितरूपमा परिवर्तन गर्दै अगाडि बढ्ने बताए । उनले एउटा गीतलाई कस्तो स्वरूप दिने भन्ने कुरा लेखकको हातमा रहेको र त्यसको अनुयायीका रूपमा ‘ढिँडो मलाई देऊ’ सार्वजनिक गरिएको बताए ।