१७ असार २०८३, बुधबार
बीपी कोइराला स्वास्थ्य विज्ञान प्रतिष्ठानले आइतवारदेखि डेंगुका बिरामीलाई उपचार गर्न तत्काल ३० शय्या सञ्चालनमा ल्याएको छ ।
प्रतिष्ठानको ‘सेन्ट्रल इमर्जेन्सी’ र ‘डेंगु क्लिनिक’ले धान्न नसकेपछि छुट्टै डेंगुु शय्या सञ्चालनमा ल्याएको प्रतिष्ठानका कायममुकायम उपकुलपति प्रा.डा. प्रह्लाद कार्कीले जानकारी दिए । सय शय्या क्षमताको कोभिड–१९ अस्पताललाई तत्कालका लागि डेंगुु अस्पतालको रूपमा परिवर्तन गरेको उनले बताए ।
पछिल्लो २ दिनयता प्रतिष्ठानको ५० श्य्याको ‘अब्जर्भेसन वार्ड’मा ८५ प्रतिशत शय्या डेंगुका बिरामीले भरिएपछि छुट्टै डेंगु अस्पताल सञ्चालनमा ल्याएको उनले जानकारी दिए । केही दिनयता प्रतिष्ठानको आकस्मिक कक्षमा दैनिक ६० देखि ७५ जना डेंगु संक्रमित आउने गरेका छन् ।
डेंगुको जोखिम बढेपछि उपचारबाट वञ्चित नहोऊन् भनेर प्रतिष्ठानले जनशक्तिको अभावका बीच पनि डेंगु अस्पताल सञ्चालनमा ल्याएको उनले बताए ।
