×

NIC ASIA

बजारले नबुझेको गणित– बैंकमा पर्याप्त पैसा हुँदा पनि किन बढ्यो ब्याजदर ?

काठमाडाैं | भदौ ४, २०८०

Prabhu Bank
NTC
Premier Steels

पर्याप्त तरलता र ऋणको माग न्यून भए पनि बैंकहरूले निक्षेपको ब्याजदर बढाएका छन् । 

Muktinath Bank

१ भदौबाट ब्याजदर बढाएका कारण निक्षेप खोसाखोस हुन थालेको छ । बैंकहरूले ब्याजदरमा गरेको भद्र सहमति (मिलेमतो) तोड्दै भदौबाट आफूखुशी ब्याजदर बढाएका छन् ।


Advertisment
RMC TANSEN
IME BANK INNEWS
shivam ISLAND

बढेको ब्याजदरका कारण कम ब्याज हुने बैंकबाट बढी हुनेतर्फ निक्षेप सर्न थालेको छ ।


Advertisment
Nabil box
Kumari

कम ब्याज दिने बैंकमा राखिएको मुद्दती निक्षेप ‘रिन्यु’ गर्ने बेला अन्य बैंकमा सर्न थालेको छ । कम ब्याज दिने बैंकबाट धेरै ब्याज दिने बैंकमा निक्षेप सरिरहेको बैंकर्सहरूले जनाएका छन् ।

Vianet communication

बैंकहरूको आ–आफ्नै दायित्व र नियम हुन्छ भने महिनैपिच्छे मुद्दती खाता पनि परिपक्व भइरहेका हुन्छन् । 

कम ब्याज दिनेबाट बढी दिनेमा निक्षेप सर्नुलाई स्वाभाविक मान्नुपर्ने सानिमा बैंकका प्रमुख कार्यकारी अधिकृत (सीईओ) निश्चल पाण्डे बताउँछन् ।

खुला बजार अर्थतन्त्रमा चल्नुपर्ने भएकाले बैंकहरूले आ–आफ्नो आवश्यकताअनुसार ब्याजदर घटबढ गर्ने गरेको उनले बताए । 

निक्षेपको ब्याजदर अरू बैंकको तुलनामा प्रतिस्पर्धी नै भएकाले आफूहरूलाई कुनै समस्या नभएको उनको भनाइ छ । सानिमा बैंकले भदौका लागि मुद्दती निक्षेपमा १०.८९ प्रतिशत ब्याजदर तोकेको छ ।

यस्तो ब्याजदर कुमारी, ग्लोबल आईएमई, एनआईसी एसिया, सिटिजन्स र नेपाल बैंकसँग समान छ । यी ६ वटा भदौका लागि सबैभन्दा बढी ब्याज दिने बैंक हुन् । यस्तो ब्याजदर न्यूनतम् ३ महिनाको मुद्दती निक्षेपका लागि हो ।

भदौमा सबैभन्दा कम ब्याज दिनेमा स्ट्यान्डर्ड चार्टर्ड बैंक छ, यसले ३ महिने निक्षेपमा ८.९२ प्रतिशत मात्र ब्याज दिएको छ । 

हाल सञ्चालनमा रहेका २० वटा वाणिज्य बैंकहरूमा माछापुच्छ्रे, राष्ट्रिय वाणिज्य, सिद्धार्थ, नेपाल इन्भेस्टमेन्ट मेगा, हिमालयन, नेपाल एसबीआई र एनएमबी बैंकमा ९.९९ प्रतिशत ब्याजदर छ ।

बाँकी वाणिज्य बैंकहरूमा कृषि विकासको १०.५१, प्राइमको १०.५, नबिलको १०.४९, लक्ष्मी सनाराइजको १०.४, प्रभु र एभरेष्टको १०/१० प्रतिशत ब्याजदर तोकिएको छ । बैंकहरूले दिने यस्तो ब्याजदर व्यक्तिगत मुद्दती निक्षेपमा बढी हुन्छ भने संस्थागत मुद्दतीमा व्यक्तिगतभन्दा कम हुन्छ । 

निक्षेपमा बढेको ब्याजका कारण ऋणीबाट पाउने ब्याज पनि बढ्ने गर्छ । बढी ब्याजदरमा निक्षेप लिने बैंकले बढीमै लगानी गर्नुपर्छ भने कम ब्याजदरमा निक्षेप लिनेले कममै लगानी गरिरहेका हुन्छन् ।

त्यसकारण बैंकहरूले निक्षेप र कर्जालाई ब्यालेन्स गर्न पनि कुनै महिना बढी त कुनै महिना घटी ब्याज तोक्नुलाई सामान्य मान्नुपर्ने बैंकरहरूको तर्क छ ।

अहिले बैंकहरूमा कर्जाको माग कम आएकाले निक्षेप परिचालन थोरै मात्र भइरहेको छ । बैंकमा माग गर्न आउनेले सहजै कर्जा पाइरहेको सानिमा बैंकका सीईओ पाण्डेले बताए ।

नेपाल राष्ट्र बैंकका सहप्रवक्ता डा. डिल्लीराम पोखरेलले केही बैंकले ब्याजदर बढाउने र केहीले घटाउने गरी स्वाभाविक निर्णय गरेको बताए ।

अघिल्लो महिनासम्म बैंकहरूले गरेको मिलेमतो हटेपछि बैंक ब्याजदरमा हरेकले आ–आफ्नो क्षमता र योजनाअनुसार काम गरेको हुन सक्ने उनको भनाइ छ ।

‘कुनै बैंकले २/४ महिना बढी ब्याज दिएर लगानीयोग्य रकम तान्न सक्छ भने कुनैले भएकै रकम लगानी गरेर मात्रै थप बढाउने भन्ने पनि रणनीति लिएको हुन सक्छ,’ सहप्रवक्ता पोखरेलले भने ।

निक्षेपको ब्याजदर बढेपछि सोही अनुपातमा कर्जाको ब्याजदर पनि बढ्ने गर्छ । केन्द्रीय बैंकले दिएको सीमाअनुसार जति बढी ब्याजदर लिए पनि ब्याजदर कोरिडोर भने ४ प्रतिशतको हाराहारीमै हुनुपर्छ ।

निक्षेपमा बढी ब्याज दिनेको कर्जा महंगो पर्छ भने कम ब्याजमा निक्षेप लिनेको कर्जा सस्तो पर्न जान्छ । समग्रमा ब्याजदर कोरिडोर अनुसार निक्षेप र कर्जाको ब्याजदर अन्तर ४ प्रतिशतभन्दा बढी हुँदैन । 

नेपाल राष्ट्र बैंकको तथ्यांकअनुसार हाल बैंकहरूमा ५६ खर्ब १० अर्ब रुपैयाँ निक्षेप संकलन भएको छ । यस्तो निक्षेपबाट बैंकहरूले ४८ खर्ब ५९ अर्ब रुपैयाँ कर्जा लगानी गरेका छन् ।

वाणिज्य बैंकहरूले मात्रै ४९ खर्ब ३८ अर्ब रुपैयाँ निक्षेप संकलन गरेर ४२ खर्ब ९९ अर्ब रुपैयाँ कर्जा प्रवाह गरेका छन् । हाल बैंकहरूको कर्जा र निक्षेप अनुपात (सीडी रेसियो) ८३.५७ प्रतिशत रहेको छ । 

निजी क्षेत्रले भने बैंकको ब्याजदर बढ्नुलाई सकारात्मक मानेको छैन । नेपाल राष्ट्र बैंकले नै ब्याजदर घटाउन नचाहेका कारण बैंकहरू केन्द्रीय बैंककै निर्देशनमा चलिरहेको नेपाल उद्योग परिसंघ (सीएनआई)का अध्यक्ष राजेश अग्रवालले बताए ।

उनले भने ‘बैंकर्स संघकै सिन्डिकेटका कारण एउटै ब्याजदर लागू गर्ने गरेका छन् । अहिले पनि धेरैवटा बैंकको ब्याजदर एउटै छ । यसअघि बैंकर्स संघले हटाएको भनिएको सिन्डिकेटलाई अहिले पनि भित्री चलखेल गरेर लागू गराइरहेको देखिन्छ ।’

राम्रा र कमजोर दुवै बैंकको ब्याजदर समान हुनुले पनि चलखेल गरेको देखिने उनको तर्क छ । अग्रवालले यसरी बैंकहरूबीच लादिने मिलेमतोको सिस्टम नै खराब भएको तर्क समेत गरे ।

‘बैंकहरूमा अहिले पनि ४ खर्ब रुपैयाँभन्दा बढी लगानीयोग्य रकम (तरलता) छ । तर, लगानी गर्न दिने विषयमा भने उही बैंकर्स संघ, राष्ट्र बैंककै सिन्डिकेट छ, किन त ?’ अग्रवालाले प्रश्न गरे ।  

राष्ट्र बैंकले बेसरेटको सीमा तोकिदिनु, यतिको ल्याउनुपर्छ, उतिभित्र हुनुपर्छ भन्नु गलत भएको सीएनआईका अध्यक्ष अग्रवालको भनाइ छ । 

‘अब यो बेसरेट पनि खारेज हुनुपर्छ, क्षमता भएका र राम्रा बैंकले बढी ब्याज लिन सक्छन् भने क्षमता नहुनेले कम लिने अवस्था हुन दिनुपर्छ,’ अग्रवालले भने ।

बैंकहरूलाई क्षमताअनुसार ब्याजदर निर्धारण गर्न दिने हो भने ग्राहकले रोजेर बैंकमा जाने अवस्था आउने उनको भनाइ छ ।

hAMROPATRO BELOW NEWS
TATA Below
फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

जेठ ४, २०८१

बैंकमा निक्षेप थुप्रिएको भए पनि कर्जा विस्तार हुन नसकेको अवस्थालाई सम्बोधन गर्ने गरी राष्ट्र बैंकले मौद्रिक नीतिको तेस्रो त्रैमासिक समीक्षा गरेको छ । शुक्रबार तेस्रो समीक्षा सार्वजनिक गर्दै राष्ट्र बैंकले ब्याजदर कर...

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

बैशाख १६, २०८१

महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

बैशाख २०, २०८१

काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

जेठ १६, २०८१

जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...

समानुपातिक, समावेशिताः सिद्धान्त र व्यवहार

समानुपातिक, समावेशिताः सिद्धान्त र व्यवहार

जेठ १२, २०८१

नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...

काग र सुगाको सन्देश

काग र सुगाको सन्देश

जेठ १२, २०८१

एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...

x