०५ साउन २०८३, मंगलबार
कुमारी बैंक लिमिटेडले नेपालीहरूको महान चाड वडा दशैंलाई लक्षित गर्दै हर्षोल्लासका साथ आफ्ना बचत खाताहरूमा विभिन्न आकर्षक सुविधासहित ‘टीका अघि नै दक्षिणा’ योजना सार्वजनिक गरेको छ ।
नेपाली बैंकिङ्ग क्षेत्रमा अग्रपङ्क्तिमा रहेको बैंकले ‘टीका अघि नै दक्षिणा’ योजना ल्याई महान चाड दशैंको हर्षोल्लासका अभिवृद्धि गर्ने भएको छ ।
यस योजनामा कार्ड तथा मोबाइल बैंकिङ्गमार्फत् भुक्तानी गर्दा बैंकले हरेक दिन पहिलो ५०/ ५० जनालाई २५ प्रतिशत वा अधिकतम ५०१ रुपैयाँसम्म क्यासब्याक दिइने छ ।
क्यासब्याक रकम पीओएस, क्यूआर पेमेन्ट तथा अनलाइन पेमेन्टबाट हुने कारोबारमा प्रदान गरिने बैंकले जनाएको छ ।
चाडबाडको अवसरमा बैंकले नेपाली समुदायको खुसीमा साथ दिन आफ्नो अटल प्रतिबद्धता स्वरूप उक्त सुविधाहरू यही असोज २८ गतेदेखि कात्तिक ५ गतेसम्म लागू हुने जनाएको छ ।
कुमारी बैंकले देशभर रहेका ३०८ शाखा (प्रधान कार्यालय बाहेक), ४९ वटा विस्तारित काउन्टर, ३०९ एटीएम र ६४ शाखारहित बैंकिङ्ग एकाइमार्फत सेवा प्रदान गरिरहेको छ ।
