अग्नि ग्रुपले चितवनको पारस बसर्पाक चोकमा महिन्द्राको नयाँ ट्विन पिक्स ब्राण्डेड एक्सयूभी शोरुम सञ्चालनमा ल्याएको छ ।

भारतको अग्रणी एसयूभी निर्माता महिन्द्रा एण्ड महिन्द्राले आफ्नो फ्ल्यागशिप ग्लोबल एसयूभीहरू–स्कर्पियो एन, एक्सयूभी ७०० (एक्सयूभी, सेभेन डबल ‘ओ’) र एक्सयूभी ३०० (एक्सयूभी, थ्रि डबल ‘ओ’) सार्वजनिक गरी  बिक्री, सेवा र पार्टपुर्जासहितको शोरुम सञ्चालनमा ल्याइएको कम्पनीले जनाएको छ ।

काठमाडौं, इटहरी र जनकपुरधाममा स्कर्पियो एन, एक्सयूभी ७०० र एक्सयूभी ३०० को सफलतापूर्वक भव्य शुभारम्भ गरेपछि क्षेत्रीय स्तरमा तेस्रो आधिकारिक शोरूम स्थापना गरिएको कम्पनीले जनाएको छ ।​

इन्टरनेसनल अपरेसन अटो महिन्द्रा एण्ड महिन्द्राका प्रमुख सचिन आरोलकरका अनुसार कम्पनी उपभोक्ताको आवश्यकताअनुसार विभिन्न श्रृङ्खलाका उत्पादनहरू उपलब्ध गराउनमा केन्द्रित रहेको बताए ।