सानो उमेरमै गायन क्षेत्रबाट लोभलाग्दो ख्याति कमाएका बाल गायक सुप्रिम मल्ल ठकुरीले ‘सरुभक्त राष्ट्रिय बाल प्रतिभा पुरस्कार २०८०’ प्राप्त गरेका छन् । 

वरिष्ठ साहित्यकार सरुभक्त श्रेष्ठद्वारा स्थापित पुरस्कार शनिबार पोखरामा आयोजित कार्यक्रममा सुप्रिमलाई अर्पण गरिएको हो । 

यो पुरस्कारको राशि ५० हजार रूपैयाँ रहेको छ । शिक्षाविद् जर्ज जोन र सरुभक्त श्रेष्ठले सुप्रिमलाई पुरस्कार एवं सम्मान प्रदान गरेका हुन् । 

११ वर्षको उमेरमै सुप्रिमले साङ्गीतिक क्षेत्रमा ख्याति कमाएका छन् । उनले गाएका दर्जनौं गीत स्रोता दर्शकले निकै रुचाएका छन् ।

सुप्रिमले बाल्यकालमै कमाएको ‘ख्याति’ : ११ वर्षको उमेरमै १०० बढी गीतमा स्वर