०९ साउन २०८३, शनिबार
नेपाल सङ्गीत तथा नाट्य प्रज्ञा—प्रतिष्ठानमा नियुक्त भएका नयाँ पदाधिकारीका १ वर्षका उपलब्धिहरू सार्वजनिक गरिएको छ ।
शुक्रवार प्रतिष्ठानको सभाहलमा भएको गतिविधिहरूको समीक्षात्मक कार्यक्रममा पदाधिकारीहरूले नियुक्त भएको १ वर्षमा गरिएका उपलब्धि सार्वजनिक गरेका हुन् ।
एक वर्षअघि २०७९ साल फाल्गुन ४ गते प्रतिष्ठानमा कुलपति, उपकुलपति, सदस्यसचिवलगायत सदस्यहरूको नियुक्ति भएको थियो ।
सदस्यसचिव कुश्मा महरा ’प्रगति’ले एक वर्षमा भएका कामका बारेमा कार्यक्रममा जानकारी गराएकी थिइन् । साथै, १ वर्षमा भएका कामहरूलाई भिडियो प्रिजेन्टेसनमार्फत पनि देखाइएको थियो । सीमित बजेटका कारण सोचेजति कामहरू गर्न नसके पनि उपलब्ध बजेटबाट अधिकतम काम गर्न सफल गरेको सदस्यसचिव महराको दाबी थियो ।
साथै, उपकुलपति शम्भु राईले सीमित आर्थिक स्रोत–साधनले गर्दा काम गर्न कठिनाइ रहेको बताए । साथै, परम्परागत तरिकालाई परिवर्तन गर्दै अगाडि बढ्ने प्रतिबद्धता पनि उनले व्यक्त गरेका थिए ।
कुलपति निशा शर्माले १ वर्षमा गर्न खोजिएका कार्यक्रमका साथै आगामी वर्ष गर्ने खोजेका कार्यक्रमको बारेमा जानकारी गराइएकी थिइन् । बजेट अभावको कारण प्रतिष्ठान खुम्चिनुपरेको उनको भनाइ थियो ।
