०९ साउन २०८३, शनिबार
काठमाडौं महानगरपालिका वडा नम्बर ३० का लेखा अधिकृत (छैठौं) उद्धव भट्टराई घुस रकमसहित पक्राउ परेका छन् ।
उनलाई अख्तियार दुरुपयोग अनुसन्धान आयोग, टंगालबाट खटिएको टोलीले २१ हजार रुपैयाँ घुससहित आज पक्राउ गरेको आयोगका प्रवक्ता सुरेश न्यौपानेले जानकारी दिए ।
भट्टराईले स्थायी लेखा नम्बर बन्द गर्नका लागि वडा कार्यालयबाट दिनुपर्ने सिफारिसको लागि दु:ख हैरानी दिई सेवाग्राहीसँग घुस/रिसवत माग गरेको भन्ने सूचनाका आधारमा आयोगको टोली खटिएको थियो ।
भट्टराईलाई आयोगको टोलीले सेवाग्राहीबाट लिएको २१ हजार रुपैयाँ घुससहित वडा कार्यालयबाटै पक्राउ गरेको हो ।
थप अनुसन्धान भइरहेको आयोगले जनाएको छ ।
