०९ साउन २०८३, शनिबार
‘बैंक पनि साथी पनि, राम्रो पनि हाम्रो पनि’ भन्ने नाराका साथ उत्तरदायी बैंकिङ्गको अभ्यास गर्दै आइरहेको
एनआईसी एशिया बैंकले राष्ट्रिय महिला फुटबल टोलीलाई सम्मान गरेको छ ।
केही समयअघि साउदी अरेबियामा सम्पन्न डब्लूएएफ वुमेन्स् च्याम्पियनसिप २०२४ प्रतियोगितामा उत्कृष्ट प्रदर्शन गर्दै उपविजेता बनेको टोलीलाई बैंकले नगद पुरस्कारसहित सम्मान गरेको हो ।
अन्तर्राष्ट्रिय स्तरमा उत्कृष्ट प्रदर्शन गरेर राष्ट्रको गरिमा उच्च राख्न अतुलनीय योगदान गरेकाले ललितपुरस्थित होटल हिमालयनमा यही वैशाख २४ गते आयोजित विशेष कार्यक्रममा सम्मान गरिएको बैंकले जनाएको छ ।
बैंकले अखिल नेपाल फुटबल संघ (एन्फा) को सहकार्यमा आयोजित उक्त कार्यक्रममा राष्ट्रिय महिला फुटबल टोलीका ३१ सदस्यहरूलाई जनही २५ हजार रुपैयाँ र सम्मानपत्र प्रदान गरिएको थियो ।
साथै, बैंकले राष्ट्रिय महिला फुटबल टोलीकी गोलकिपर अन्जना राना मगरलाई ब्रान्ड प्रमोटरका रुपमा समेत घोषणा गरेको छ ।
