×

प्रहरी जवान आत्महत्या प्रकरण

प्रहरीले आफैंलाई गोली ठोकेको प्रकरण– फेसबूक म्यासेन्जरबाट खुल्यो थप तथ्य

‘इन्गेजमेन्ट’पछि दुबई पठाएकी युवतीले छाडेपछि तारन्तार म्यासेज, डेढ महिनादेखि थियो तनाव

काठमाडाैं | असार ५, २०८१

तीन वर्षअघि प्रहरी जवानमा भर्ती भएका दोलखाको मेलुङ गाउँपालिका– ४ का २२ वर्षीय अजित गोलेले अन्ततः कठिन बाटोबाट मृत्यु रोजे । 

बुधबार बिहान संघीय संसद् भवनमा ड्युटीका क्रममा शौचालयमा मृत फेला परेका गोलेको आत्महत्याका पछाडि एक युवतीको प्रसंग जोडिएको पाइएको छ ।


Advertisment

आफ्नै निधारमा इन्सास राइफल प्रहार गरी आत्महत्या गरेका गोलेसँग दुई दिनअघि सोमबार मात्रै युवतीसँग फेसबूक म्यासेन्जरमा लामो गफ भएको तथ्य प्रहरीले फेला पारेको छ । 


Advertisment

२०७८ मा प्रहरी जवानमा भर्ना भएका गोलेको पछिल्लो दरबन्दी कपनस्थित प्रहरीको केन्द्रीय विशेष कार्यदलमा थियो । उनी गत जेठ २८ जेठदेखि मात्रै संघीय संसद भवनमा कार्यरत थिए । ड्युटीका क्रममा गोलेले आफ्ना साथीहरूसँग पारिवारिक तनावमा रहेको सुनाएका थिए । तर, आत्महत्याकै संकेत भने गरेका थिएनन् ।

पाँच महिनाअघि मेलुङकै एक युवतीसँग विवाहका लागि ‘टीकाटालो’ भएको थियो । युवतीले आफू काम गर्न दुबई जाने र पैसा कमाएपछि जीवन सहज चल्ने बताएपछि गोलेले सञ्चय कोषबाट एक लाख रुपैयाँ झिकेका थिए । थप ५० हजार आमासँग मागेर डेढ लाख तयार पारी राहदानी समेत बनाइदिएर युवतीलाई दुबई पठाए ।

युवती दुबई पुगेपछि केही साता गोलेसँग निरन्तर सम्पर्कमा थिइन् । बीचमा युवतीसँग फोन सम्पर्क कम हुन थालेपछि गोले तनावमा थिए । उनले युवतीलाई थुप्रै म्यासेज पठाएको देखिन्छ । अनुसन्धानमा संलग्न प्रहरी अधिकृतका अनुसार ती युवतीलै अर्कै पुरुषसँग सम्बन्ध गाँसेको आशंका गोलेलाई भएको देखिन्छ ।

अनुसन्धानमा संलग्न एक प्रहरी अधिकृतका अनुसार उनको म्यासेजबाट त्यसको पुष्टि हुन्छ । 

‘अब तिमीलाई त्यही केटा भए पुगिहाल्यो नि, मलाई किन सम्पर्क गर्नु ? म मरेपछि तिमी खुशी हुन्छौ होला,’ उनको म्यासेज उद्धृत गर्दै ती अधिकृतले भने ।

फेसबूक म्यासेन्जरमा गोलेले निरन्तर म्यासेज पठाए पनि युवतीको जवाफ (रिप्लाइ) भने कमै आउने गरेको प्रहरीले जनाएको छ ।

‘तिम्रो इच्छा पूरा भइहाल्यो, अब मलाई किन वास्ता गर्नु ?’ भनेर गोलेले युवतीलाई म्यासेज पठाएका थिए । ‘उनी विगत डेढ महिनादेखि धेरै तनावमा रहेको युवतीलाई पठाएको म्यासेजबाट देखिन्छ,’ एक अनुसन्धान अधिकृतले लोकान्तरसँग भने, ‘उनले मर्छु भनेर युवतीलाई पटक–पटक म्यासेज गरेका रहेछन् ।’

सामान्य परिवारमा जन्मिएका गोले आफ्नो परिवारसँग पनि निरन्तर सम्पर्कमा थिए । युवतीले गोलेको परिवारका सदस्यसँग पनि कुराकानी गर्न छाडेपछि परिवारले उनलाई युवतीबारे सोध्ने गरेको पाइएको छ ।

बुधबार बिहान संसद् भवन पश्चिमतर्फ २ नम्बर गेटको बायाँ साइडमा रहेको शौचालयमा गोले मृत भेटिएका थिए । स्रोतका अनुसार गोलेले युवतीले दिएको तनावबारे प्रहरीमै कार्यरत एक/दुई साथीसँग समेत कुरा गरेको पाइएको छ ।

जिल्ला प्रहरी परिसर काठमाडौंका प्रवक्ता एसपी नवराज अधिकारीका अनुसार गोलेले पारिवारिक तनावकै कारण आत्महत्या गरेको आशंका छ ।

‘गोलेले मृत्यु रोज्नुको कारणबारे उनको मोबाइलबाट केही तथ्य खुलेका छन् । शव पोस्टमार्टमका लागि टिचिङ अस्पताल पठाएका छौं । थप अनुसन्धान हुँदैछ,’ अधिकारीले भने ।

अजितका काका प्रदीप गोले पनि प्रहरीमै छन् । काठमाडौंमै दरबन्दी रहेका उनी प्रहरी नायब निरीक्षक (सई) हुन् । भतिजो अजितले आत्महत्या गरेको थाहा पाएपछि उनी घटनास्थल संघीय संसद् भवनमा पुगेका थिए ।

त्यसक्रममा सञ्चारकर्मीलाई संक्षिप्त प्रतिक्रिया दिँदै उनले पारिवारिक तनावकै कारण अजितले मृत्युको बाटो रोजेको बताएका थिए । ‘उसलाई अलिकति पारिवारिक तनाव थियो, अहिले यति भनौं, पछि बोलौंला,’ प्रदीपले भने, ‘प्रहरीले अनुसन्धान गर्दै होला, थप त्यतै बुझ्नुस् ।’
 

कात्तिक २७, २०८०

तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...

कात्तिक १७, २०८०

 काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ ।  सामाजिक सञ्जालबाट ‘कल गर्ल’ उपल...

मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

कात्तिक २७, २०८०

उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...

पुस २५, २०८०

आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...

जेठ १३, २०८१

जिल्ला प्रहरी परिसर ललितपुरको महिला सेलमा सानेपाकी विपना तामाङ (नाम परिवर्तन) उजुरी लिएर पुगिन् । श्रीमान ९ दिन भयो घर आएका छैनन्, तर फोन सम्पर्कमा छन् ।  एक महिनाअघि सेलमा निवेदन लिएर पुगेकी विपनाक...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x