०६ साउन २०८३, बुधबार
तनहुँ–संस्थागत सामाजिक उत्तरदायित्व निर्वाह गर्दै संयुक्त लगानीको निजी क्षेत्रको कम्पनी सूर्य नेपालले दमौली अस्पताललाई २८ लाख रुपैयाँ बराबरका दुई थान हेमोडायलाइसिस मशिन प्रदान गरेको छ ।
कम्पनीका जनसम्पर्क प्रमुख अन्जन दवाडीले दमौली अस्पतालका प्रमुख डा परिवर्तन बराललाई शनिबार ती मशिन हस्तान्तरण गरेका हुन् ।
अस्पतालमा हाल १० वटा डायलाइसिस मशिन छन् । अस्पतालले दैनिक आठ वटा मशिन सञ्चालन गरेर ५६ जना मिर्गौलाका बिरामीलाई डायलाइसिस सेवा प्रवाह गरिरहेको डा बरालले जानकारी दिए । एउटा मशिनबाट दैनिक तीनजना बिरामीले सेवा लिइरहेका छन् । –रासस–
