०१ असार २०८३, सोमबार
सरकारले टिकटकमा लगाएको प्रतिबन्ध हटाएसँगै उक्त सामाजिक सञ्जाल निर्वाधरूपमा चल्न थालेको छ ।
नेपाल दूरसञ्चार प्राधिकरणले सार्वजनिक सूचना जारी गरेलगतै नेपाल टेलिकमले टिकटकको प्रयोग/पहुँचमा लगाइएको प्रतिबन्ध हटाएको छ । प्रतिबन्ध हटेसँगै टिकटक निर्वाधरूपमा चल्न थालेको टेलिकमले जनाएको छ ।
सरकारले टिकटकका माध्यमबाट सामाजिक सद्भाव एवं सामाजिक वातावरणमा नकारात्मक असर परेको भन्दै २०८० कार्तिक २७ गतेबाट सामाजिक उक्त एप सञ्चालनमा रोक लगाएको थियो ।
तर २०८१ भदौ ६ गतेको मन्त्रिपरिषद् बैठकले उक्त प्रतिबन्ध फुकुवा गरेको थियो ।
टिकटकको पहुँचमा लगाइएको रोक हटेसँगै अब टेलिकमका सेवाग्राहीले सहज तवरले उक्त सामाजिक सञ्जाल प्रयोग गर्न सक्ने टेलिकमका प्रवक्ता किशोरकुमार भट्टले जानकारी दिए ।
