०८ साउन २०८३, शुक्रबार
राजनीतिक प्रतिशोध साँधेर सभापति रवि लामिछानेलाई पक्राउ गरेको भन्दै रास्वपाका नेता कार्यकर्ता विरोध प्रदर्शनमा उत्रिएका छन् ।
सहकारी ठगी प्रकरणमा अनुसन्धानको लागि रवि शुक्रबार समातिएपछि शनिबार दिउँसो काठमाडौंको माइतीघरमा रास्वपाका नेता र कार्यकर्ता विरोध प्रदर्शनमा उत्रिएका हुन् ।
सरकारले राजनीतिक प्रतिशोध साँधेर लामिछानेलाई पक्राउ गरेको आरोप उनीहरूले लगाएका छन् ।
प्रदर्शनकारीहरूले ‘राजनीतिक प्रतिशोध बन्द गर’, ‘सहकारी पीडितको ८७ अर्ब खोइ’ प्लेकार्डसहित प्रदर्शन गरेका हुन् ।
सूर्य दर्शन सहकारीको रकम अपचलनमा संलग्नताको आरोप लागेपछि थप अनुसन्धानका लागि रविलाई पक्राउ गरी पोखरा लगिएको छ ।
उनलाई आइतबार अदालतमा उपस्थित गराइँदैछ ।
रविविरुद्ध सहकारीको रकम अपचलन, संगठित अपराध र कीर्तेसहितका छानबिन हुँदैछ ।
सहकारी संस्था बचत दुरुपयोग सम्बन्धमा संसदीय छानबिन समितिले कारवाही सिफारिस गरेपछि रवि शुक्रबार पक्राउ परेका हुन् ।
तस्वीरहरू
