१८ असार २०८३, बिहीबार
नेपाल स्टक एक्सचेन्ज(नेप्से) उच्च अङ्कले बढेको छ ।
मङ्गलबार नेप्से परिसूचक ४६.६९ अङ्कले बढेर २६९२.०५ को विन्दुमा अडिएको हो ।
यस दिन बजारमा १ करोड ३३ लाख ७३ हजार ४८१ कित्ता शेयरको खरिदबिक्री हुँदा ६ अर्ब १२ करोड ८२ लाख ६४ हजार रुपैयाँको कारोबार भएको छ ।
अघिल्लो दिन सोमबार मात्रै नेप्से परिसूचक सोमबार २७.४१ अङ्कले बढेर २६४५.३६ को विन्दुमा अडिएको थियो । यस दिन बजारमा १ करोड ४ लाख १८ हजार ९२६ कित्ता शेयरको खरिदबिक्री हुँदा ५ अर्ब ३४ करोड ४८ लाख रुपैयाँको कारोबार भएको थियो ।
आज सप्तकोसी डेभलपमेन्ट बैंक, सानिमा इन्स्योरेन्स, केथुली बुखरी स्मल हाइड्रोपावर लिमिटेडको शेयर मूल्य सबैभन्दा बढी १० प्रतिशतले बढेको छ ।
यसका लागनीकर्ताहरूले सर्वाधिक नाफा कमाएका छन् । त्यस्तै, कारोबारका आधारमा समृद्धि फाइनान्स कम्पनी लिमिटेड २४ करोड ७१ लाख ५९ हजार रुपैयाँको कारोबारका साथ शीर्ष स्थानमा रहेको छ ।
साताको पहिलो कारोबारका दिन आइतबार नेप्से परिसूचक ९.१९ अङ्कले घटेर २६१७.९५ को विन्दुमा बन्द भएको थियो ।
यस दिन बजारमा १ करोड ११ लाख ३४ हजार १७८ कित्ता शेयरको खरिदबिक्री हुँदा ४ अर्ब ७३ करोड २४ लाख ७८ हजार रुपैयाँको कारोबार भएको थियो ।
