०६ साउन २०८३, बुधबार
नेपालको सबैभन्दा महंगो लक्जरी गाडी नेपाल भित्रिएको एक हप्ताभित्रै बिक्री भएको छ ।
नेपालमा बीएमडब्ल्यू अटोमोबाइल्सको एकमात्र आधिकारिक आयातकर्ता र डिलर लक्ष्मी प्रिमियम मोटर्सले ७ करोड पर्ने देशकै सबैभन्दा महंगो लक्जरी गाडी बीएमडब्ल्यू एक्स सेभेन एक्स ड्राइभ ४०आई (BMW X7 xDrive 40i) ल्याएको एक हप्ताभित्र बिक्री गरेको हो ।
कम्पनीका अनुसार, यो मोडल कात्तिक २९ गते नेपाल आयात गरिएको थियो। अत्याधुनिक प्रविधि, उत्कृष्ट डिजाइन, मजबूति, सुरक्षा, शक्ति र विलासी सुविधाले सम्पन्न यो गाडी अहिलेसम्मको सबैभन्दा महंगो लक्जरी गाडी हो ।
यस बिक्रीले नेपाली उपभोक्ताबीच प्रिमियम गाडीप्रतिको चासो र रूचिलाई प्रष्ट रूपमा उजागर गरेको कम्पनीले जनाएको छ ।
कम्पनीले जनाए अनुसार बीएमडब्ल्यू एक्स सेभेन एक्स ड्राइभ ४०आईको छोटो समयमा भएको सफल बिक्रीले नेपालमा प्रिमियम गाडीहरूको बजारमा नयाँ मापदण्ड स्थापना गरेको छ ।
यो उपलब्धिले नेपाली बजारमा लक्जरी गाडीहरूको बढ्दो प्रभावलाई थप सशक्त बनाएको कम्पनीको भनाइ छ ।
