१७ असार २०८३, बुधबार
केही घण्टाका लागि ‘ट्रान्जिट भिजिट’मा नेपाल आएका भुटानी राजा जिग्मे खेसार नाम्ग्याल वाङ्चुकलाई परराष्ट्र मन्त्री आरजु देउवाले विमानस्थलमा स्वागत गरेकी छिन् ।
नयाँ दिल्लीबाट स्वदेश फर्किने क्रममा नेपाल आएका भुटानी राजालाई शुक्रबार बिहान मन्त्री देउवाले स्वागत गरेकी हुन् ।
भुटानी राजा जिग्मे स्वयम्भू र बौद्धनाथको दर्शन गरेर शुक्रबार नै स्वदेश फर्किने कार्यक्रम छ ।
नेपालमा उनको औपचारिक भेटघाटको कुनै कार्यक्रम नरहेको परराष्ट्र मन्त्रालय स्रोतले जनायो ।
‘कुनै देशको राष्ट्रप्रमुख आउँदा गर्नुपर्ने स्वागतका लागि मन्त्री जानुभएको हो, भेटघाटको कुनै कार्यक्रम छैन,’ मन्त्रालय स्रोतले भन्यो ।
