१२ साउन २०८३, मंगलबार
शुक्रबारदेखि प्रदर्शनमा आउन लागेको हरर फ्यामिली ड्रामा चलचित्र ‘ममी’को बुधबार प्रिमियर भएको छ । काठमाडौंको सिभिल मलस्थित क्यूएफएक्समा चलचित्रको प्रिमियर गरिएको हो ।
चलचित्रमा प्रियंका कार्की, दीया मास्के तथा सुलक्षण भारती प्रमुख भूमिकामा छन् । सिनेमामा उनीहरूका अलवा समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्टलगायतका कलाकारहरूको अभिनय रहेको छ ।
सो ट्वान्टी फाइभको प्रस्तुतिमा निर्माण भएको सिनेमामा समर निरौला र पूर्णिमा जोशीको लेखन तथा समर निरौलाको निर्देशन रहेको छ । समर डेब्यू निर्देशक हुन् ।
सिनेमाका निर्माता लोक राज जोशी तथा पूर्णिमा जोशी हुन् भने कार्यकारी निर्मातामा सुमन कोइराला रहेका छन् ।
‘ममी’को छायाँकन निशाल पौडेल र शरद महतोले संयुक्त रूपमा गरेका हुन् भने सम्पादन सुरेन महर्जनको रहेको छ । यसैगरी, पार्श्व ध्वनीमा रोहित शाक्य, साउन्ड डिजाइनमा श्रवल आर पी, रंग संयोजनमा दीपेश चौधरी तथा संगीतकारमा एसडी योगी रहेका छन् ।
