२८ जेठ २०८३, बिहीबार
बीवाईडी सिगलले १० लाख युनिट बिक्री गर्दै नयाँ उपलब्धि हासिल गरेको छ । बीवाईडीको चर्चित ईभी सिगल (बीवाईडी डल्फिन मिनि)ले १० लाख युनिट बिक्री गर्दै नयाँ मुकाम हासिल गरेको हो ।
चीनको सबैभन्दा ठूलो विद्युतीय सवारी साधन निर्माता बीवाईडीले २७ महिनामा यो संख्यामा बजेट फ्रेन्डली सिरिज बिक्री गर्न सफल भएको हो । यसले विश्व बजारमा डल्फिनप्रतिको लोकप्रियतालाई झन् माथि उठाएको छ ।
बीवाईडीको यस सफलताले युरोपदेखि ल्याटिनअमेरिकासम्म ग्राहकलाई आकर्षित गरेको छ ।
बीवाईडी सिगलले सानो साइज, आकर्षक डिजाइन, दमदार रेन्ज र सस्तो मूल्यले गर्दा शहरकेन्द्रित आवागमनका लागि निकै उपयुक्त देखिएको छ ।
इ–प्लेटफर्म ३.० मा निर्माण भएको सिगलमा ५५ किलोवाट क्षमताको इलेक्ट्रिक मोटरसहित आउँछ । जसले १३५ एनएम टर्क दिन्छ ।
यसका साथै ३८.८८ किलोवाट आवरको लिथियम–आइरन–फस्फेट ब्याट्रीका साथमा डिसी फास्ट चार्जिङ सपोर्ट रहेको छ ।
कम्पनीका अनुसार ३० मिनेटमै ३० प्रतिशतदेखि ८० प्रतिशतसम्म चार्ज गर्न सकिने जनाइएको छ । सिगल मध्यम वर्गीय ग्राहकका लागि सान्दार विकल्प बन्न सफल भएको कम्पनीले जनाएको छ ।
