२८ जेठ २०८३, बिहीबार
मनसुनको मौसमसँगै चिस्यान र पानीका कारण क्षति भई बिग्रिएका मोबाइल मर्मतका लागि सामसङ नेपालले सामसङ मनसुन क्याम्प शुरू गरेको छ ।
ग्राहकलाई स्मार्टफोनको सबैभन्दा संवेदनशील भाग, चार्जिङ पोर्ट, मर्मत गर्न सहयोग गर्ने उद्देश्यले यो क्याम्प सञ्चालनमा ल्याएको सामसङ नेपालले जनाएको छ ।
यो ग्राहक सेवा अभियान २०२५ अगस्ट २४ सम्म सञ्चालन हुनेछ, जसअन्तर्गत सामसङ प्रयोगकर्ताहरूले वारेन्टी भए/नभएको कुराले फरक नपारी, अधिकृत सामसङ सेवा केन्द्रमा गएर नोक्सान भएको चार्जिङ पोर्ट निःशुल्क परिवर्तन गराउन सक्नेछन् ।
चार्जिङ पोर्टको प्रतिस्थापन निःशुल्क हुनेछ । श्रम शुल्क र थप पार्ट्सको लागत ग्राहकले आफैंले व्यहोर्नु पर्ने कम्पनीले जनाएको छ । यो सेवा केवल सामसङका अधिकृत सेवा केन्द्रमा मात्र उपलब्ध हुने बताइएको छ ।
सामसङ नेपालका डेपुटी जनरल म्यानेजर तथा प्रमुख राजन भट्टराई भन्छन्,‘सामसङ नेपालमा हामी हाम्रो ग्राहकलाई मौसम जे भए पनि टेन्सन–फ्री अनुभव दिन प्रतिबद्ध छौं । वर्षामा विशेष गरी चार्जिङ पोर्टमा असर गर्ने चिस्यान र पानीका जोखिम बढ्छन् । त्यसैले हामी मनसुन क्याम्पमार्फत् समयमै मर्मत सुविधा दिन चाहन्छौं, ताकि हाम्रा प्रयोगकर्ताले आफ्ना फोन प्रयोग गर्न सकून् ।’
सामसङले सबै प्रयोगकर्तालाई यो सीमित समयको सेवा उपयोग गर्न आग्रह गरेको छ । थप जानकारी तथा नजिकको सेवा केन्द्र पत्ता लगाउनका लागि सामसङ कस्टुमर केयरमा सम्पर्क गर्न सक्ने कम्पनीले जनाएको छ ।
