२७ असार २०८३, शनिबार
सर्वोच्च अदालतले नेपालमा अनुमति नलिएका ओटीटी प्ल्याटफर्ममा तथा च्यानलहरूमा इन्टरनेटमार्फत प्रशारण हुने विज्ञापनसहितका सामग्रीमा रोक लगाउन परमादेश जारी गरेको छ ।
नेपालमा अनुमति प्राप्त नभएका विदेशी च्यानल तथा ओटीटी प्ल्याटफर्मले विज्ञापनसहितका सामग्री प्रकाशित गरिरहेकाले त्यसमाथि रोक लगाउन परमादेश जारी भएको हो ।
अधिवक्ता विश्वेश्वरप्रसाद गौतम र अनिता बजगाईंले २०७७ मा दायर गरेको रिटमाथि न्यायाधीशद्वय टेकप्रसाद ढुंगाना र शान्तिसिंह थापाको संयुक्त इजलासले बुधबार फैसला गरेको हो ।
राष्ट्रिय प्रशारण ऐन र नियमावलीअनुसार प्रशारण अनुमति नलिएका तथा दर्ता नभएका विदेशी च्यानल, ओटीटी प्ल्याटफर्म र इन्टरनेट ब्राउजर कम्पनीहरूमाथि नियमन गर्न सर्वोच्चले परमादेश जारी गरेको निवेदक गौतमले लोकान्तरलाई जानकारी दिए ।
