३१ असार २०८३, बुधबार
जेनजी आन्दोलनका क्रममा कञ्चनपुर कारागारबाट भागेका २३९ कैदीबन्दी फिर्ता भएका छन् ।
कारागार कार्यालय कञ्चनपुरका निमित्त प्रशासक रामदत्त जोशीका अनुसार, फिर्ता हुनेमा २२७ पुरुष र १२ महिला कैदीबन्दी रहेका छन् ।
कारागारमा रहेका २८ जना भारतीय कैदीबन्दी मध्ये १० जनालाई मात्रै प्रहरीले पक्राउ गरेको छ ।
अझै १८ जना भारतीय कैदीबन्दी फरार रहेका छन् । कारागारमा ४७९ कैदीबन्दी रहेका थिए । जसमध्ये लागुऔषधका मात्रै १६९ जना रहेका छन् ।
'कारागारबाट बाहिरिएका मध्ये केही कैदीबन्दीहरू सम्पर्कमा रहेका छन्,' निमित्त प्रशासक जोशीले भने, 'तीन दिनभित्र कारागारमा फिर्ता आउने आश्वासन दिएका छन्, सम्पर्कमा नआएका कैदीबन्दीको खोजीका लागि प्रहरीले खोजतलासको कार्य गरिरहेका छन् ।'
