जिल्ला प्रशासन कार्यालय, काठमाडौंले रातको समयमा आवतजावत नगर्न आग्रह गरेको छ ।

प्रशासनले एक सूचना जारी गर्दै मौसमी प्रतिकूलताका बाबजुद अनावश्यक रूपमा यात्रा नगर्न आग्रह गरेको हो । ‘काठमाडौंबाट बाहिर जाने र बाहिरबाट काठमाडौं प्रवेश गर्ने महानुभावहरूले रातको समयमा यात्रा नगर्नु हुन अनुरोध छ,’ जारी सूचनामा उल्लेख छत ।​

विपद्को समयमा तत्काल कुनै प्रकारको उद्धार, सहयोग र राहत आवश्यक परेको खण्डमा जिल्ला प्रहरी परिसर, काठमाडौंको सम्पर्क नम्बरहरूमा सम्पर्क गर्न पनि जिल्ला प्रशासन कार्यालय, काठमाडौंले आग्रह गरेको छ ।​

'विपद्को समयमा तपाईंलाई तत्काल कुनै प्रकारको उद्धार, सहयोग र राहत आवश्यक परेको खण्डमा जिल्ला प्रहरी परिसर, काठमाडौंको सम्पर्क नम्बर १६६०-०१-४१५१६, ९८५१२८३०२६, ०१-५७२१०१७ सशस्त्र प्रहरी बल नेपाल नम्बर २० (विपद उद्धार) गण, सिनामंगलको सम्पर्क नम्बर ९८५१२७२०३५, ०१-४४७१३३७ र जिल्ला आपत्कालीन कार्य सञ्चालन केन्द्रको सम्पर्क नम्बर ९८५१३६२९३७ मा सम्पर्क गर्नुहुन समेत अनुरोध छ,' सूचनामा भनिएको छ ।​

यस्तो छ सूचना :