दक्षिण एसियाली सिनियर एथलेटिक्स च्याम्पियनसिपमा सहभागी हुन २६ खेलाडीसहित ३० सदस्यीय नेपाली टोली भारतको राँची प्रस्थान गर्ने भएको छ । नेपाली टोली बुधबार प्रस्थान गर्ने बताइएको छ ।

अक्टोबर २४ देखि २६ तारिखसम्म आयोजना हुने उक्त प्रतियोगितामा नेपालबाट मुकेश पाल, राजन रोकाया, सोम कुमाल, सलिन देवान, सन्तोषी श्रेष्ठ, पूर्णलक्ष्मी न्यौपाने, सुशील केसी, शिवराज पार्की, अरुण महतो र रामचन्द्र थारुले सहभागिता जनाउने छन् ।

यसैगरी, तिलक विक, युवराज विक, गणेशसिंह रावत, नागेश्वर ऐर, चन्द्रदेव जोशी, प्रवीण राना, वसन्ती चौधरी, सिमाकुमारी थारू, जयरानी थारू, सीता शाही, सर्मिलाकुमारी थारू, सरस्वती चौधरी, रन्जिता अधिकारी, डिना गोपाली र नारायणी भण्डारीले पनि नेपालको प्रतिस्पर्धा गर्नेछन् ।

नेपाली टोलीको प्रशिक्षकमा राकेश वज्राचार्य र धनीराम चौधरी, व्यवस्थापकमा दीपेन्द्रकुमार गोइत तथा अफिसियलमा अनिरुद्र चौधरी रहेका छन् ।

टोलीलाई राष्ट्रिय खेलकुद परिषद् (राखेप) का सदस्यसचिव टंकलाल घिसिङले सोमबार बिदाइ गरे ।