०८ साउन २०८३, शुक्रबार
संयुक्त अरब इमिरेट्स (यूएई) मा जारी आईसीसी क्रिकेट विश्वकप लिग–२ शृंखलाको आफ्नो पहिलो खेलमा आइतबार अमेरिकाले दिएको चुनौतीपूर्ण लक्ष्य पछ्याउँदै जवाफी ब्याटिङमा ओर्लिएको नेपालले पहिलो ओभरको दोस्रो बलमै विकेट गुमाएको छ ।
नेपालले पहिलो ओभरको दोस्रो बलमै ओपनर ब्याट्सम्यान कुशल भुर्तेललाई गुमाएको हो । टोलीले खाता खोल्नुअघि नै कुशल भुर्तेल रुसिल उगारकरको बलमा विकेटकिपर समित पटेलद्वारा समातिएका थिए ।
यसअघि, टस हारी पहिले ब्याटिङको निम्तो पाएको अमेरिकाले निर्धारित ५० ओभरमा ६ विकेट गुमाएर दुई सय ६२ रन बनाएको थियो ।
