१० साउन २०८३, आइतबार
संयुक्त अरब इमिरेट्स (यूएई)मा जारी आईसीसी क्रिकेट विश्वकप लिग–२ अन्तर्गत शनिबार खेलिएको अमेरिका विरुद्धको खेलमा नेपालले आफ्नो दोस्रो विकेट गुमाएको छ ।
नेपालले दोस्रो विकेटका रूपमा ओपनर ब्याट्सम्यान कुशल भुर्तेललाई गुमाएको हो । उनी केवल तीन रनका कारण एकदिवसीय अन्तर्राष्ट्रिय क्रिकेटमा आफ्नो १०औँ अर्धशतक प्रहार गर्नबाट चुके ।
२८ वर्षीय कुशल ६५ बलमा दुई छक्का र दुई चौकाको मद्दतले ४७ रन बनाउँदै पेभेलियन फर्किए । उनी अमेरिकी बलर हरमित सिंहको बलमा बाउन्ड्री लाइननजिकै सौभर नेत्रभाल्करद्वारा क्याच आउट भए ।
कुशल र भीम सार्कीले टोलीका लागि ८६ रनको साझेदारी गरे । २०औँ ओभरको पहिलो बलमा उनी आउट हुँदा नेपालले एक विकेट गुमाएर ८८ रन बनाएको छ । दुबईस्थित आईसीसी एकेडेमी ग्राउन्डमा नेपालले टस हारी पहिले ब्याटिङको निम्तो पाएको हो ।
