०६ साउन २०८३, बुधबार
आईसीसी क्रिकेट विश्वकप लिग–२ शृंखलाअन्तर्गत अमेरिकाविरुद्धको खेलमा नेपालले दोस्रो सफलता हात पारेको छ ।
संयुक्त अरब इमिरेट्स (यूएई) मा शनिबार नेपालले दिएको दुई सय ७२ रनको लक्ष्य पछ्याउँदै जवाफी ब्याटिङ गरिरहेको अमेरिकाले दोस्रो विकेट गुमाएको छ ।
अनुभवी लेग–स्पिनर सन्दीप लामिछानेले अमेरिकाको दोस्रो विकेट लिएका हुन् ।
सन्दीपले क्रिजमा जमिसकेका अमेरिकाका ओपनर ब्याट्सम्यान सायान जहाँगिरलाई बोल्ड गरे । सायान ३६ रन बनाउँदै आउट भएका हुन् ।
प्रारम्भदेखि नै आक्रामक रूपमा प्रस्तुत भएका सायानले ४२ बलको सामना गरी एक छक्का र पाँच चौका हिर्काएका थिए । १२औँ ओभरको पाँचौँ बलमा सायान आउट हुँदा अमेरिकाले ५९ रन बनाएको छ ।
अमेरिकाको पहिलो विकेट गुलसन झाले लिएका थिए ।
दुबईस्थित आईसीसी एकेडेमी ग्राउन्डमा टस हारेर पहिले ब्याटिङ गरेको नेपालले ४९.५ ओभरमा सबै विकेट गुमाएर दुई सय ७१ रन बनाएको थियो ।
