फिलिपिन्समा आएको सबैभन्दा शक्तिशाली आँधीमध्ये एकले ठूलो विनाश निम्त्याएको छ। अधिकारीहरूका अनुसार, आँधीले कम्तिमा २६ जनाको मृत्यु भएको छ र लाखौं मानिसहरू आफ्नो घर छोड्न बाध्य भएका छन्।

कालमेगी आँधीले सबैभन्दा बढी क्षति देशको सबैभन्दा बढी जनसंख्या भएको मध्य टापु सेबुमा भएको छ, जहाँ सम्पूर्ण शहरहरू डुबेका छन् । अधिकारीहरूले मृतकको संख्या बढ्न सक्ने बताएका छन्।

यसैबीच, राहत तथा उद्धार कार्यमा संलग्न फिलिपिन्स वायुसेना हेलिकप्टर उत्तरी मिन्डानाओ टापुमा दुर्घटनाग्रस्त भएको छ, जसमा चालक दलका सबै छ जना सदस्यको मृत्यु भएको छ।

आँधीलाई स्थानीय रूपमा टिनो नाम दिइएको छ। मंगलबार बिहान ल्याण्डफल गरेदेखि, यसको शक्ति केही हदसम्म कम भएको छ, तर हावा अझै पनि प्रति घण्टा १३० किलोमिटरभन्दा बढीको गतिमा चलिरहेको अन्तर्राष्ट्रिय सञ्चार माध्यमरूले जनाएका छन् ।