१३ असार २०८३, शनिबार
धनकुटाको पाख्रीबास नगरपालिका-१०, चुङबङस्थित एक झाडीमा बेवारिसे अवस्थामा भरुवा बन्दुक फेला परेको छ ।
इलाका प्रहरी कार्यालय हिलेबाट खटिएको गस्ती टोलीले उक्त बन्दुक बरामद गरेको हो ।
सोमबार दिउँसो प्रहरी नायब निरीक्षक चिरञ्जीवी खड्काको नेतृत्वमा गएको टोलीले सर्ट रेन्ज पेट्रोलिङ गर्ने क्रममा झाडीमा लुकाएर राखिएको अवस्थामा एउटा भरुवा बन्दुक फेला पारेको थियो । बन्दुकसँगै बारुद वा गोली भने फेला नपरेको प्रहरीले जनाएको छ ।
बरामद गरिएको उक्त बन्दुकलाई इलाका प्रहरी कार्यालय हिलेमा ल्याई थप अनुसन्धान भइरहेको प्रहरीले जानकारी दिएको छ ।
