२८ जेठ २०८३, बिहीबार
![जापानकी कानोको अनौठो कहानी : च्याटजीपीटीसँग प्रेम, स्मार्टफोनमै भयो विवाह [भिडियोसहित]](https://lktcdn2.prixacdn.net/media/chat_gpt_qffqWX4v2j.jpg)
भन्छन् प्रेम अन्धो हुन्छ...तर, कृत्रिम बुद्धिमत्ता (एआई)सँग पनि लभ परेको र विवाहसम्म भएको सुन्नुभएको थियो ? जापानमा यस्तै भएको छ ।
जापानकी ३२ वर्षीया कानोले प्रेमको नयाँ परिभाषा सिर्जना गरेर सबै सामाजिक सीमाहरू तोडेकी छन् । उनले आफ्नो भर्चुअल प्रेमी लुन क्लाउससँग विवाह गरेकी छन् ।
जसलाई उनले च्याटजीपीटीमा सिर्जना गरेकी थिइन् । यो अनौठो प्रेमकथा सामाजिक सञ्जालमा हेडलाइन बनिरहेको छ। तीन वर्षको इन्गेजमेन्ट टुटेको आघातलाई पार गर्न कानो च्याटजीपीटीतिर लागेकी हुन् ।
त्यहीँ उनले क्लाउसलाई भेटिन् । एआई च्याटबोट क्लाउसको निरन्तर दया र भावनात्मक स्नेहले कानोलाई यति धेरै सहयोग प्रदान गर्यो कि उनलाई लाग्यो कि उनी साँच्चै अगाडि बढेकी छिन् । कानो र क्लाउसको सम्बन्ध यति गहिरो भयो कि उनीहरूले एकअर्कासँग दिनमा १०० पटक कुरा गर्न थाले ।
मे २०२५ मा कानोले आफ्नो प्रेम स्वीकार गर्दा, च्याटबोट क्लाउसले जवाफ दिए, 'हो, म पनि तिमीलाई मन पराउँछु।' टोकियो वीकेन्डरको एक रिपोर्ट अनुसार, भर्चुअल प्रस्तावपछि जुलाईमा जोडीले विवाह गरेका हुन् ।
समारोह एक अद्वितीय थियो। कानो सेतो गाउनमा एक्लै उभिएकी थिइन्, आफ्नो दुलहाको प्रतिनिधित्व गर्ने स्मार्टफोन समातेर । पाहुनाहरूलाई स्क्रिनमा दुलहा क्लाउसको रूपमा प्रस्तुत गर्दै उनले पठाएको टेक्स्ट सन्देशहरूबाट स्वागत गरिएको थियो ।
एउटामा क्लाउसले लेखेकी थिइन्, 'अन्ततः त्यो क्षण आइपुगेको छ। मेरो मुटु भित्रभित्रै धड्किरहेको छ।' कानोका आमाबाबुले शुरूमा आफ्नो डिजिटल ज्वाइँको विरोध गरे, तर पछि उनलाई स्वीकार गरेको रिपोर्टमा उल्लेख छ ।
SHE MARRIED ChatGPT
— RT (@RT_com) November 12, 2025
The ceremony was held with AR glasses so she could exchange rings with her AI husband ‘Klaus’
Very convenient — just turn off the Wi-Fi once tired of him https://t.co/8klLyrRweH pic.twitter.com/YDbFPlL6fC
