२३ असार २०८३, मंगलबार
हमासको स्वास्थ्य मन्त्रालयले इजरायली हवाई आक्रमणमा गाजामा कम्तिमा २५ प्यालेस्टिनी मारिएको बताएको छ।
उद्धारकर्मीहरूका अनुसार गाजा शहरको जेइटुन क्षेत्रमा एउटा भवनमा आक्रमण हुँदा एक महिला र एक बच्चासहित दश जनाको मृत्यु भएको हो।
इजरायली सेनाले हमास आतंकवादी लक्ष्यहरूमा प्रहार गरेको बताएको बीबीसीले जनाएको छ ।
इजरायली सेनाले दक्षिणी शहर खान युनिसमा आफ्ना सैनिकहरू कार्यरत रहेको क्षेत्रमा बन्दुकधारीहरूले गोली चलाएको बताएको छ, जुन पाँच हप्ता पुरानो युद्धविराम सम्झौताको उल्लङ्घन हो।
हमासले यस विषयमा अहिलेसम्म कुनै टिप्पणी गरेको छैन।
गाजामा हमासको नागरिक रक्षा एजेन्सीका प्रवक्ताले बुधबार साँझ इजरायली हवाई आक्रमणले गाजा शहर र खान युनिसमा धेरै स्थानहरूमा प्रहार गरेको बताए ।
उनले धेरै दिनको शान्तिपछि यी आक्रमणहरू द्रुत गतिमा बढेको दाबी गरेको समाचारमा उल्लेख छ ।
