बारा कलैयाका मोहम्मद सेफलाई १९ करोड बढी अभौतिक मुद्रा (क्रिप्टो करेन्सी) कारोबार गरेको आरोपमा प्रहरीले पक्राउ गरेको छ । 

जिल्ला प्रहरी परिसर काठमाडौंको टोलीले सेफलाई बुधबार साँझ भद्रकालीबाट नियन्त्रणमा लिएको हो । 

प्रहरीले सेफबाट बरामद मोबाइल हेर्दा १९ करोड ८१ लाख ४९ हजार पाँच सय ८१ रूपैयाँ बराबरको कारोबार गरेको भेटिएको हो । 

परिसरका प्रवक्ता एवं प्रहरी उपरीक्षक पवन कुमार भट्टराईका अनुसार सेफविरुद्ध अभौतिक मुद्राको प्रयोग गर्न नहुने सम्बन्धी कसुरमा अनुसन्धान गर्न पाँच दिनको म्याद लिएर हिरासतमा राखिएको छ ।