०८ असार २०८३, सोमबार
भदौ २३ गते जेनजी राष्ट्रिय दिवस मनाउने सरकारको निर्णयविरुद्ध सर्वोच्च अदालतमा रिट परेको छ ।
सरकारको निर्णयविरुद्ध अधिवक्ता डा. प्रेमराज सिलवालले मंगलबार सर्वोच्चमा रिट पेस गरेका हुन् ।
सुशीला कार्की नेतृत्वको सरकारले सोमबार भदौ २३ गतेलाई जेनजी राष्ट्रिय दिवसको रूपमा मनाउने निर्णय गरेको थियो ।
‘जुन दिन र सो समयमा नेपाल संविधानसभाले निर्माण गरेको संविधान तथा संसद् भवनमा आगो लगायो, सिंहदरबार र सर्वोच्च अदालत तथा निजी र सार्वजनिक सम्पत्तिमा आगजनी, लुटपाट, चोरी र अपराध भयो । त्यस्तो विवादास्पद र आपराधिक क्रियाकलाप भएको दिनलाई 'जेनजी शहीद दिवस' भनेर मनाउने सरकारी निर्णयले आम नागरिक, घटनामा पीडित र लोकतन्त्रमा विश्वास गर्नेप्रति घोर अन्याय भइ सम्मानमाथि चोट पुगेकाले सरकारको उक्त निर्णय खारेज गर्न माग गर्दै मैले सर्वोच्च अदालतमा रिट पेश गरेको छु,’ रिट निवेदक सिलवालले लोकान्तरसँग भने ।
अहिले रिट दर्ता भइसकेको छैन । अध्ययनको क्रममा रहेको जनाइएको छ ।
