०७ साउन २०८३, बिहीबार
नेपाल खेलकुद पत्रकार मञ्च (एनएसजेएफ)द्वारा प्रदान गरिने एनएसजेएफ पल्सर स्पोर्टस अवार्डको २२ औं संस्करणमा वर्षको सर्वोत्कृष्ट युवा खेलाडीको अवार्ड क्रिकेट पूजा महतोले जितेकी छन् ।
राष्ट्रिय महिला टोलीकी उप–कप्तान पूजाले एथलेटिक्सका अजय विक, कराँतेकी अञ्जली महर्जन, बक्सिङकी स्वस्तिका तिरुवा र फुटबलका समीर तामाङलाई पछि पार्दै अवार्ड हात पारेकी हुन् ।
पूजाले कप्तानको भूमिकामा नेपाली यू–१९ महिला टोलीलाई इतिहासमै पहिलो पटक महिला विश्वकपमा छनोट गराएकी थिइन् । उनी छनोट खेलमा कूल दुई सय ७२ रन प्रहार गर्दै सर्वाधिक रनकर्ता बनेकी थिइन् ।
पूजाले उक्त प्रतियोगितामा १० विकेट पनि लिएकी थिइन् । उनले कुवेतविरुद्ध अविजित एक सय ३० रनको शतकीय पाली खेलेकी थिइन् ।
उनी एसीसी महिला यू–१९ एसिया कप–२०२४ मा पाकिस्तानलाई ६ विकेटले हराउँदै इतिहास रच्ने टोलीकी कप्तान पनि हुन् ।
