भेनेजुएलाकी विपक्षी नेतृ मारिया कोरिना माचाडोले अमरिकी राष्ट्रपति डोनाल्ड ट्रम्पलाई आफ्नो नोबेल शान्ति पुरस्कार पदक प्रदान गरेकी छिन् ।

उनले आफ्नो देशको स्वतन्त्रताप्रति ट्रम्पको असाधारण प्रतिबद्धताको सम्मानस्वरूप आफ्नो नोबेल शान्ति पुरस्कार पदक प्रदान गरेको बताइन् । 

ह्वाइट हाउसमा भएको बैठकपछि पत्रकारहरूलाई उनले यसबारे जानकारी दिइन्। यद्यपि, ट्रम्पले पदक स्वीकार गरे कि गरेनन् भन्ने कुरा स्पष्ट छैन।

माचाडोले ट्रम्पसँग आफ्नो देशको भविष्यबारे छलफल गरेकी छिन्, यद्यपि ट्रम्पले पहिले भेनेजुएलाको अर्को नेता बन्ने उनको क्षमताबारे शंका व्यक्त गरिसकेका छन्। 

नोबेल संस्थानले पहिले नै स्पष्ट पारेको थियो कि नोबेल शान्ति पुरस्कार कानुनी रूपमा कसैलाई हस्तान्तरण वा प्रदान गर्न सकिँदैन।

माचाडोलाई लोकतान्त्रिक अधिकारको लागि २०२५ को नोबेल शान्ति पुरस्कार प्रदान गरिएको थियो।