नेपाली कांग्रेसको दुई खेमाले आधिकारिकता खोज्न निर्वाचन आयोगमा पुगेपछि अहिले आयोग परिसरमा सुरक्षा तैनाथी बढाइएको छ ।

संस्थापन पक्ष र हालै विशेष महाधिवेशनले सभापतिमा निर्वाचित गरेका गगन थापा पक्ष आयोगमा आधिकारिकताका लागि पुगेका थिए । दुवै पक्षका केन्द्रीय समिति नै आयोग पुगेका थिए ।

आयोगले आजै निर्णय दिनुनपर्ने अडानमा दुवै पक्ष छन् ।

दुई पक्षबीच मुठभेडको अवस्था नआओस् भन्ने हेतुले सुरक्षा तैनाथी बढाइएको जिल्ला प्रहरी परिसर काठमाडौंले जनाएको छ ।

आयोग परिसर भित्रै सशस्त्र प्रहरीको गण पनि छ ।

देउवा पक्षले आयोगले अनपेक्षित निर्णय गरेमा देशभर आन्दोलनमा जाने चेतावनी दिएको छ ।

थापा पक्षले भने आफुहरूले पार्टीको विधानअनुसार नै विशेष महाधिवेशन गरेर पदाधिकारी चयन गरेकाले आफूहरू नै आधिकारिक रहेको दाबी गर्दै आएका छन् ।