नेपाली सेनाको श्री पश्चिम पृतना पोखरामा सञ्चालन भएको 'रक्षा संवाददाता अभिमुखीकरण कार्यक्रम सम्पन्न भएको छ ।

यही माघ १२ गतेबाट सञ्चालन भएको अभिमुखीकरण कार्यक्रम आज समापन भएको सैनिक जनसम्पर्क तथा सूचना निर्देशनालयले जनाएको छ ।

समापन समारोहमा पश्चिम पृतनाका पृतनापति उपरथी भोलानाथ थापाले अभिमुखीकरण कार्यक्रम सफलतापूर्वक सम्पन्न गर्ने २० सञ्चारकर्मीलाई बधाईसहित प्रमाणपत्र वितरण गरेका थिए ।

कार्यक्रममा सहभागी सञ्चारकर्मीहरूलाई नेपाली सेनाको विविध विषयमा जानकारी गराउनुका साथै विपद् प्रतिकार्य एवं समसामयिक विषयहरूमा अन्तरक्रिया समेत गराइएको थियो ।

यस किसिमको कार्यक्रमबाट देशका विभिन्न स्थानमा कार्यरत सञ्चारकर्मीहरूलाई नेपाली सेनासम्बन्धी समाचार सङ्कलन तथा सम्प्रेषणमा सहजता एवं स्पष्टता हुने विश्वास सेनाले लिएको छ ।