०७ साउन २०८३, बिहीबार
दक्षिण एसियाली फूटबल महासंघ (साफ)ले माल्दिभ्समा आयोजना हुने साफ यू–२० च्याम्पियनसिप फूटबल प्रतियोगिताको खेल तालिका सार्वजनिक गरेको छ ।
आगामी मार्च २३ देखि अप्रिल ४ तारिखसम्म आयोजना हुने उक्त प्रतियोगितामा सहभागी टोलीलाई दुई समूहमा विभाजन गरिएको छ ।
जसमा नेपाल समूह ‘ए’ मा परेको छ । उक्त समूहमा आयोजक माल्दिभ्ससँगै भुटान र श्रीलङ्का छन् । यसैगरी प्रतियोगिताको समूह ‘बी’ मा साबिक विजेता भारत, बङ्गलादेश र पाकिस्तान छन् ।
नेपालले आफ्नो उद्घाटन खेलमा भुटानको सामना गर्नेछ ।
यसैगरी नेपालले दोस्रो खेल मार्च २५ तारिखमा श्रीलङ्कासँग खेल्नेछ भने समूह चरणको अन्तिम खेल २७ मार्चमा माल्दिभ्ससँग हुनेछ ।
सिङ्गल राउन्ड रोविन लिगपछि प्रत्येक समूहबाट शीर्ष दुई टोलीले सेमिफाइनलमा स्थान बनाउनेछन् ।
उक्त च्यापियनसिपको लागि अखिल नेपाल फूटबल सङ्घ (एन्फा)ले पहिलो चरणमा ८० खेलाडी छनोट गरेको छ ।
