१८ असार २०८३, बिहीबार
इङ्ल्यान्डका चर्चित क्रिकेटर बेन स्टोक्स गम्भीर घाइते भएका छन् । इङ्ल्यान्डको टेस्ट टोलीका कप्तानसमेत रहेका स्टोक्सको अनुहारमा चोट लागेको छ ।
३४ वर्षीय स्टोक्स अभ्यासका क्रममा घाइते भएको समाचारमा जनाइएको छ । स्टोक्स आफैंले पनि सामाजिक सञ्चालमार्फत् घाइते अवस्थाको तस्वीर सार्वजनिक गरेका छन् ।
डरहमको एकेडेमीमा प्रशिक्षणका क्रममा उनको अनुहारमा गम्भीर चोट लागेको बताइएको छ । उनी शनिबारदेखि शुरू हुने टी–२० विश्वकपका लागि घोषित इङ्ल्यान्डको टोलीमा भने छैनन् ।
अभ्यासका क्रममा नेटको छेउमा उभिएको बेला एक ब्याट्सम्यानले प्रहार गरेको बल उनको अनुहारमा ठोक्किएको थियो । स्टोक्स प्रभावशाली अलराउन्डर हुन् ।
उनले सामाजिक सञ्जाल इन्स्टाग्राममा रगतले लतपतिएको गाला र आँखा वरपर लागेको गम्भीर चोटसहितको तस्वीर पोष्ट गरेका छन् । उनको अनुहार सुन्निएको देखिन्छ ।
स्टोक्सले इन्स्टाग्राममा पोष्ट गरिएको तस्वीरको क्याप्सनमा खेलेका छन्, ‘तपाइँहरूले क्रिकेट बलको परिणाम देख्नु भयो ।’
