२८ असार २०८३, आइतबार
आईसीसी पुरुष टी–२० विश्वकप २०२६ को ७ औँ खेलमा इटालीले सोमबार स्कटल्याण्डको सामना गर्यो । कोलकाताको इडेन गार्डेनमा खेलिएको समूह ‘सी’को यो खेलमा स्कटल्याण्डले इटालीलाई ७३ रनले पराजित गर्यो ।
स्कटल्याण्डले दिएको २०८ रनको लक्ष्य पच्छाएको इटाली १६.४ ओभरमा १३४ रनमा अलआउट भयो ।
इटाली पहिलो पटक विश्वकपमा भाग लिएको हो । यो प्रतियोगितामा इटालीको डेब्यू खेल हो । यद्यपि इटालियन टोलीले यो खेललाई यादगार बनाउन सकेन ।
अर्कोतर्फ स्कटल्याण्डले बंगलादेश बाहिरिएपछि विश्वकपमा भाग लिने मौका पायो । स्कटल्याण्डले आफ्नो पहिलो खेल वेस्टइन्डिज विरुद्ध खेलेको थियो । त्यसमा स्कटल्याण्ड ३५ रनले पराजित भएको थियो ।
