०२ असार २०८३, मंगलबार
दाङको तुलसीपुरमा नेकपा एमालेको झण्डा जलाएको आरोपमा प्रहरीले एक जनालाई पक्राउ गरेको छ ।
जिल्ला प्रहरी कार्यालय, दाङका अनुसार झण्डा जलाएको आरोपमा शुक्रबार तुलसीपुर-७ कालाखोला निवासी ५५ वर्षीय बुद्धिबहादुर बस्नेत पक्राउ परेका हुन् ।
जिल्ला प्रहरी कार्यालय दाङका प्रहरी नायब उपरीक्षक रेशम बोहराले घटनामा संलग्न अन्यको खोजी भइरहेको जानकारी दिए ।
दाङको तुलसीपुरस्थित वीरेन्द्र चोकमा भएको रास्वपा समर्थकको भेलामा बिहीबार केही व्यक्तिले एमालेविरुद्ध नाराबाजी गर्दै झण्डा जलाएको थिए ।
रास्वपाले भने, सो घटनामा आफ्नो संलग्नता नभएको र दोषीलाई छानबिनको दायरामा ल्याउन आग्रह गरेको छ ।
रास्वपा सभापति रवि लामिछानेले झण्डा जलाउने रास्वपाको चरित्र नभएको बताएका छन् ।
एमालेले भने रास्वपाले आफ्नो झण्डा जलाएको विरोधमा शुक्रबार साँझ देशका विभिन्न जिल्लामा राँके जुलुस निकालेको छ ।
