१० साउन २०८३, आइतबार
जेनजी अगुवा मिराज ढुङ्गाना नेपाली कांग्रेसका सभापति गगनकुमार थापालाई समर्थन गर्न सर्लाही पुगेका छन् । ढुङ्गानासहितका युवाहरू सोमबार दिउँसो सर्लाही ४ पुगेका हुन् ।
मिराज त्यस्ता जेनजी अगुवा हुन् जसको समूहले गत भदौ २३ गतेको जेनजी आन्दोलनका लागि काठमाडौं जिल्ला प्रशासन कार्यालयबाट स्वीकृति पाएको थियो ।
माइतीघरबाट शुरू भएको उक्त जुलुस नयाँ बानेश्वर पुग्ने र सभामा परिणत गर्ने कार्यक्रम गर्ने तयारी थियो ।
उक्त आन्दोलनमा घुसपैठ हुनासाथ मिराजले सबै जेनजीहरूलाई आन्दोलन आफूहरूको नियन्त्रणबाट बाहिर गएकाले सबैलाई घर फर्कन आह्वान गरेका थिए ।
त्यसयता उनका माग पूरा गर्नलाई अहिलेको सरकारलेसमेत कुनै पहल नगरेको बताइएको छ । मिराजले प्रधानमन्त्री सुशीला कार्कीलाईसमेत भेट्न पाएनन् ।
आफूहरूको टीममलाई सिंहदरबार प्रवेशमा समेत रोक लगाइएको मिराजले बताएका छन् ।
