दुई निर्वाचन क्षेत्र भएको इलाममा आज बिहान ११ बजेपछि मतगणना गर्ने तयारी भएको छ । 

दुवै क्षेत्रमा अहिले सर्वदलीय बैठक बसिरहेको छ । बैठकले ११ बजेपश्चात् मतगणना गर्ने तयारी गरेको छ । 

इलाम क्षेत्र नम्बर १ का निर्वाचन अधिकृत खुमप्रसाद भण्डारीले सर्वदलीय बैठक बसिरहेको बताए । उनले ११ बजेपश्चात् सूर्योदय नगरपालिकाको हलमा गणना शुरू हुने जानकारी दिए । 

यस्तै, क्षेत्र नम्बर २ का मुख्य निर्वाचन अधिकृत रोशन गजुरेलले पनि सर्वदलीय बैठक बसिरहेको र ११ बजेपश्चात् मतगणना शुरू गर्ने जानकारी दिए ।