२२ असार २०८३, सोमबार
प्रतिनिधिसभा निर्वाचनको मतपरिणाम आउने क्रम जारी छ । बिहान ४ बजेसम्म १८ वटा क्षेत्रको परिणाम सार्वजनिक भइसकेको छ ।
तीमध्ये १२ स्थानमा रास्वपा, चार स्थानमा कांग्रेस र दुई स्थानमा नेकपाका उम्मेदवार विजयी भएका छन् । एक स्थानमा एमालेले खाता खोलेको छ ।
रास्वपाका लागि पहिलो जित काठमाडौं १ मा रञ्जु न्यौपाने दर्शनाले निकालिन् ।
त्यस्तै, काठमाडौं ३ मा कुलमान घिसिङलाई हराउँदै राजुनाथ पाण्डे निर्वाचित भए ।
यसैगरी काठमाडौं ८, ६, ७, ४, ५ र १० मा समेत रास्वपा उम्मेदवारहरू नै निर्वाचित भए ।
काठमाडौंबाहेक कास्की, मोरङ र धनुषामा पनि रास्वपा उम्मेदवार निर्वाचित भएका छन् ।
त्यसैगरी मोरङ ४ मा सन्तोष राजवंशी निर्वाचित भएका छन् ।
त्यस्तै, धनुषा–३ मा रास्वपाबाट मनिष झा निर्वाचित भएका छन् ।
कांग्रेसले जितेका ४ क्षेत्र जितेको छ । कांग्रेसबाट रसुवामा मोहन आचार्य, मनाङमा टेकबहादुर गुरुङ, मुस्ताङमा योगेश गौचन थकाली र दैलेख १ बासना थापा विजयी भए ।
नेकपाले जितेका २ क्षेत्र जितेको छ । नेकपाबाट रुकुम पूर्वमा पुष्पकमल दाहाल प्रचण्ड र कालीकोटमा महेन्द्रबहादुर शाही निर्वाचित भए ।
एमालेले पनि खाता खोलेको छ । एमालेबाट बाँके २ मा मोहम्मद ईश्तियाक राई निर्वाचित भएका हुन् ।
