प्रतिनिधिसभा सदस्य निर्वाचनपछि खुलेको पहिलो दिन नै नेपाल स्टक एक्सचेन्ज (नेप्से) परिसूचकमा सकारात्मक सर्किट लागेको छ ।

करिब एक सातापछि सोमबार खुलेको शेयर बजारमा खुलेको एक मिनेटमै पोजेटिभ सर्किट लागेर कारोबार २० मिनेटका लागि बन्द भएको छ ।

नेप्से ४ प्रतिशतले बढ्दा सर्किट ब्रेक लागेर २० मिनेटका लागि बन्द भएको हो ।

शेयर बजारमा एक घण्टाअघि ४ प्रतिशतले नेप्से परिसूचक बढ्दा २० मिनेटलाई ब्रेक लाग्छ । २ घण्टाअघि ५ प्रतिशतले नेप्से परिसूचक बढ्दा ४० मिनेटका लागि ब्रेक लाग्छ ।

त्यसैगरी ६ प्रतिशतले परिसूचक बढेमा दिनभरिको कारोबारमा ब्रेक लाग्ने गर्दछ । अर्थात् दिनभरको कारोबार नै बन्द हुने गर्दछ । 

कारोबार बन्द हुँदा ३ लाख २९ हजार ६४४ कित्ता शेयरको खरिद बिक्री भई १८ करोड ९६ लाख १२ हजार रुपैयाँको कारोबार भएको छ । ११ बजेर १ मिनेटमा बन्द भएको कारोबार अब ११ बजेर २१ मिनेटमा खुल्नेछ ।