२६ जेठ २०८३, मंगलबार
चुनावी नतिजाप्रतिको उत्साहका कारण शेयर बजार 'हल्ट' भएको छ ।
सोमबार जम्मा ५५ करोडको कारोबार हुँदा बजार ६ प्रतिशतले बढेर दिनभरका लागि बन्द भएको हो ।
११ बजे खुलेलगत्तै ४ प्रतिशतले बढेपछि बजार २० मिनेटका लागि बन्द भएको थियो । त्यसपछि खुल्दा १ मिनेट पनि कारोबार हुन पाएन ।
अन्तिममा वृद्धिले ६ प्रतिशतको आंकडा पूरा गरेपछि बजार दिनभरका लागि बन्द भएको हो ।
समग्रमा १६२.९३ अंकले बढेर शेयर बजार २८ सय ७५ दशमलव ४३ बिन्दुमा कायम भएको छ ।
कारोबार भएकामध्ये रिलायन्स स्पिनिङ मिल्सबाहेक अरू सबैको मूल्य बढेको छ ।
राष्ट्रिय स्वतन्त्र पार्टी (रास्वपा)ले दुईतिहाइ नजिक सीट जित्ने देखिएपछि बजारमा सर्किट ब्रेक लागेको हो ।
स्थिर सरकार बन्ने अपेक्षाका कारण लगानीकर्ता झुम्मिएका हुन् ।
