२२ जेठ २०८३, शुक्रबार
नेपाली बजारमा 'हट एन्ड स्पाइसी' नुडल्स सेगमेन्टमा आफ्नो बलियो पकड जमाउन सफल 'करेन्ट नुडल्स'को उत्पादक संस्था यशोदा फुड्सले आफ्नो रिटेल आउटलेट 'करेन्ट मार्ट'को काठमाडौं उपत्यकाभित्रको दोस्रो शाखा सञ्चालनमा ल्याएको छ । कम्पनीले कपनस्थित (रिलायन्स कलेज नजिक) नयाँ शाखा सञ्चालनमा ल्याएको हो ।
यसअघि काठमाडौंको बानेश्वरस्थित कात्यानी चोकमा सञ्चालनमा आएको पहिलो आउटलेटको अपार सफलता र ग्राहकहरूको बढ्दो मागलाई मध्यनजर गर्दै कपनमा दोस्रो शाखा विस्तार गरिएको कम्पनीले जनाएको छ ।
कम्पनीका अनुसार नयाँ शाखा उद्घाटनको अवसरमा 'करेन्ट मार्ट'मा उपलब्ध सम्पूर्ण उत्पादनहरूको खरिदमा १० प्रतिशत विशेष छुटको व्यवस्था गरिएको छ।
कपनमा अवस्थित 'करेन्ट मार्ट'को यशोदा फुड्सका ग्लोबल एक्जुकेटिभ डाइरेक्टर जीपी शाह र डाइरेक्टर प्रकाश पौडेलले संयुक्त रूपमा उद्घाटन गरेका हुन् । उद्घाटन समारोहमा कम्पनीका प्रतिनिधिहरू, ग्राहक तथा शुभचिन्तकहरूको उल्लेख्य उपस्थिति रहेको थियो।
