समानुपातिक सांसद छान्न नेपाली कांग्रेसको केन्द्रीय कार्यसम्पादन समितिको बैठक शुरू भएको छ । बैठक पार्टी केन्द्रीय कार्यालय सानेपामा जारी छ ।

बैठकले समानुपातिक बन्दसूचीमा रहेका उम्मेदवारमध्ये दलले प्राप्त गरेको सिट संख्याको आधारमा प्रतिनिधिसभा सदस्य छनोट गरी निर्वाचन आयोगमा पठाउने प्रवक्ता देवराज चालिसेले जानकारी दिए । 

फागुन २१ गतेको निर्वाचनमा प्रत्यक्षतर्फ १८ सिट जितेको कांग्रेसले समानुपातिकमा २० सिट पाएको छ । अघिल्लो निर्वाचनमा ८९ सिटसहित पहिलो बनेको कांग्रेसले यो निर्वाचनमा ३८ सिटसहित दोस्रोमा खुम्चिएको छ ।

पहिलो भएको रास्वपाले १८२ सिट प्राप्त गरेको छ ।