२२ जेठ २०८३, शुक्रबार
फागुन २१ गते सम्पन्न प्रतिनिधि सभा निर्वाचनमा नेपाली कांग्रेसको तर्फबाट प्रत्यक्ष चुनाव जित्ने एक मात्र सांसद बनिन्– बासना थापा ।
पहिलोपटक संसदीय चुनाव लडेकी थापाले कांग्रेसलाई दैलेख १ बाट सान्त्वना जीत दिलाइन् ।
प्रतिनिधि सभामा कर्णालीबाट प्रत्यक्ष चुनाव जित्ने उनी एक मात्र महिला सांसद हुन् ।
काठमाडौंमा जन्मे/हुर्केकी बासना विवाहपछि दैलेख बसाइँ सरेर गएकी हुन् ।
नेपाल विद्यार्थी संघबाट राजनीति शुरू गरेकी बासना दैलेख गएपछि सामाजिक काममा सक्रिय भइन् ।
२०७४ सालको चुनावमा दैलेखको नारायण नगरपालिकाको उपप्रमुखमा प्रतिस्पर्धा गरे पनि पराजित भएकी थापा ०८२ सालमा प्रतिनिधि सभामा निर्वाचित भइन् ।
२०१५ सालको निर्वाचनमा बासनका हजुरबुवा नरबहादुर थापा क्षेत्री काठमाडौं उपत्यका पश्चिम (काठमाडौं–२) मा नेपाल राष्ट्रवादी गोरखा परिषद्बाट विजयी भएका थिए ।
त्यही राजनीतिक परिवारकी सदस्य बासनाले यसपटक नयाँको हावाहुरीबीच कांग्रेसलाई महत्त्वपूर्ण जीत दिलाइन् ।
नेपाली कांग्रेस रूपान्तरण भएको सन्देश गाउँमा पुर्याउने पर्याप्त समय नभएकाले यसपटकको चुनावमा अपेक्षित नतिजा ल्याउन नसके पनि अर्को चुनावमा कांग्रेस पहिलो पार्टी बन्ने बासनाको विश्वास छ ।
कांग्रेस प्रतिपक्षमा बसेर रास्वपा सरकारले गर्ने राम्रा कामको समर्थन र गलत कामको विरोध तथा खबरदारी गर्ने उनले बताइन् ।
काठमाडौंमा जन्मिँदै कर्णालीको बुहारी भएर राजनीतिमा आउन कति चुनौती ब्यहोर्नुपर्ने ?
वामपन्थी गढ र नयाँको बेगमा चुनाव जित्न कति सहज भयो ?
अब संसद्मा कांग्रेसको भूमिका कस्तो हुनेछ ?
यसपटकको चुनावमा दिदी (नायिका विपना थापा) किन आउनुभएन ?
यी लगायत समसामयिक विषयमा बासना थापासँग गरिएको कुराकानी हेर्नुहोस्, भिडियोमा:
